Кадетсем Раççей Геройӗсемпе тӗл пулнă

Николай Федорович çамрăк кадетсене çар авиацийӗнче иртнӗ тата Афган вăрçине хутшăннă вăхăтсем çинчен, терроризма хирӗç кӗрешекен  «Альфа» тата «Вымпел» ушкăнсен Çурçӗр Кавказра ирттернӗ ӗçӗсем пирки тата Раççей Президенчӗпе Владимир Путинпа хӗç-пăшаллă хирӗçтăрусем пынă вырăнсене вӗçни çинчен каласа панă. 2001 çулхи сентябрь уйăхӗнче Кабул хула çывăхӗнче ятарласа модификаци иртнӗ вертолетсенчен «Талибан» тата «Аль-Каид» объекчӗсене ракетăсемпе пени çинчен каласа пани уйрăмах кăсăклă пулчӗ çамрăксемшӗн. Çак секретлă операцие хутшăннăшăн Николай Гаврилова Раççей Геройӗ ята панă.

Алексей Махотин полковник та Çурçӗр Кавказра иртнӗ командировка пирки каласа пачӗ. «Тайфун» спецназ отрячӗн командирӗ пулнă вăл ун чухне. Аргун ту хушăкӗнче вӗсем боевиксен базисене тӗп тунă вăхăтра тăшман вӗсене йӗри-тавра çавăрса илнӗ. Алексей Николаевич ертсе пынипе пирӗннисем тăшман хӳтĕлевне çĕмĕрсе хамăрăннисем патне тухнă. 2000 çулта Раççей Президенчӗн Указӗпе ăна Герой ятне панă.

Тӗлпулăва килнӗ офицерсемпе сержантсем йывăр çапӑçусене хутшӑннă тесе шухăшлама та йывăр. Тӑван çӗршывшăн паттăрла тунă ӗçӗсемшӗн вӗсене патшалӑх пысӑк наградăсемпе чысланă.

Валериан Гаврилов.

Автор сăнӳкерчӗкӗсем.