Каллех авари...

ТР ПАИ пресс-служби пӗлтернӗ тăрăх, «Ладăпа» Renault машинăсем хире-хирӗç пырса çапăннă. Иккӗшӗн те капочӗ чăл-пар саланни, пӗр машинине вут тивни автомобильсем пысăк хăвăртлăхпа пыни çинчен калать. Аварире «Ладăн» водителӗ сывă юлайман, тепӗр машинăри виçӗ арçынпа пӗр хӗрарăма тата ачана больницăна леçнӗ.

САЛОНРА АЧАСЕМ ПУРРИ ТЕ ЧАРМАН

Августăн 12-мӗшӗнче çакнашкал авари М7 трассăн Мензеле районӗнчи участокӗнче те пулнă. Кунта икӗ çыннăн пурнăçӗ татăлнă. Пысăк хăвăртлăхпа пыракан Ford Focus çăмăл машина умри тепӗр машинăран иртес шутпа хирӗç çул çине тухнă та фурăпа пырса çапăннă. Ford Focus водителӗпе пӗр пассажирӗ вырăнтах вилсе кайнă, 7 уйăхри тата 15-ри ачасене больницăна леçнӗ. Салонра ачасем пуррине шута илмелле пекчӗ ӗнтӗ водителӗн, анчах вăл таçта васканă…