Кама урлӑ ҫӗнӗ кӗпер тума хатӗрленеҫҫӗ

   Кама урлӑ Соколки ялӗ патӗнче тепӗр кӗпер тӑваҫҫӗ. Унӑн тӑршшӗ 2,2 километр пулать.

Кӗпер М7 автоҫула Ҫырчалли хӗрринчен иртсе каймалла тусан кирлӗ пулать. Ҫакӑн ҫинчен «Волго-Вятскуправтодор» начальника Илдар Мингазов пӗлтернӗ. 

Проекта кӗртнӗ кӗперӗн тӑршшӗ 2190 метр пулать, ҫав шутра сулахай ҫыранри эстакадӑн тӑршшӗ 488 метр, хӑй кӗперӗ 960 метр, сулахай ҫыранри пойма 742 метр.

Мингазов сӑмахӗсемпе, Ҫырчалли айкинчен иртсе каймалли ҫул 90 километра ҫитет. Ҫак пысӑк  стройкӑна виҫӗ пая пайлаҫҫӗ.