Кăçалхи май уйăхӗнче Çырчаллинчи «КАМАЗ-мастер» команда пуçласа халăхсен хушшинчи «Такла-Макан – 2026» раллие хутшăнать, тесе пӗлтерет асăннă командăн пресс-служби.
Ку ăмăртăва урăхла «Хӗвелтухăç Дакарӗ» тесе те калаççӗ. Вăл Азири чи масштаблă, вăйран яракан чупусенчен пӗри шутланать.
Тянь-Шань тăвӗсен çывăхӗнче иртекен экстремаллă çулçӳрев майăн 16-мӗшӗнче Урумчи хулинче пуçланать те июнӗн 3-мӗшӗнче Аксу хулинче вӗçленет.
Маршрут раллие хутшăнакансене Китайăн темиçе регионӗн илемӗпе паллашма май парӗ.
Спортсменсен 8 пин километр çулсăр-мӗнсӗр трассăпа ăмăртма тивӗ. Çав шутран 4200 километрӗ – пысăк хăвăртлăхпа иртмелли участоксем.
«КАМАЗ-мастер» командăран Китайра иртекен çак раллие миçе экипаж тата камсем каяссине çывăх вăхăтра пӗлтерме шантараççӗ.
Сăнӳкерчӗк «КАМАЗ-мастер» командăн пресс-службин.
Нет комментариев