Хусан марафонӗ 17 ҫӗршывран 12 пин яхӑн хутшӑнакан ҫынна пуҫтарӗ

Майӑн 14-мӗшпе 15-мӗшӗнче иртекен Хусан марафонне Раҫҫейрен тата ытти 16 ҫӗршывран 12 пин яхӑн спортсмен хутшӑнма шутлать. Регистраци майӑн 8-мӗшӗччен пырӗ. Ҫакӑн пирки ТР спорт министрӗн ҫумӗ Ильдар Садриев "Татар-информ" пресс-конференцинче каласа панӑ.

Вӑл каланӑ тӑрӑх, регистрацисен статистикипе чи популярлӑ дистанци ҫурма марафон пулса тӑнӑ. Ун ҫине халӗ 3 пин яхӑн ҫын регистрациленӗ. Пурӗ 3, 10, 21,1, 42,2 километр чупса тухӗҫ. Маршрут Хусан Кремлӗ, "Хусан" ҫемйин центрӗ, Миллениум кӗперӗ тата Кремль ҫыранӗ урлӑ каҫӗ.

"Ҫавӑн пекех кӑҫал ача-пӑча чупӑвӗ те пулать. Марафонӑн тӗп трассине вара кӑштах улӑштарнӑ. Ҫав вӑхӑтрах 10 километр чупакансем хальхинче кремль ҫыранӗ хӗррипе чупӗҫ", - хушса хучӗ вӑл.

Паллӑ ҫынсенчен марафона Алексей Смертин хутшӑнма шутлать.

Ҫав хушӑрах кашни хутшӑнакана марафон чупма ирӗк паракан справка кирлӗ. Вӗсенчен 30 % яхӑн тутарстан ҫыннисем пулӗҫ, ыттисем урӑх регионсенчен тата ҫӗршывсенчен килекенсем, - тенӗ организатор.