Хусанта "Ҫӗнтерӳ вальсне" ташлаҫҫӗ тата Освенцим хӑтаруҫи ячӗллӗ мемориал хӑмине уҫаҫҫӗ

"Ҫитес Ҫӗнтерӳ кунӗ умӗн Хусанта тӗрле мероприятисем иртеҫҫӗ", - пӗлтереҫҫӗ мэрия пресс-службинче. Ыран, майӑн 5-мӗшӗнче, 13:00 сехетре Хусанти кремльте "Ҫӗнтерӳ вальсӗ" акци иртет. Акцие 500 ытла ҫын хутшӑнать.

Майӑн 7-мӗшӗнче ирхине 9 сехетре Аушвиц концлагерӗн хӑтаруҫи, Федор Красавин генерал, ячӗллӗ мемориал хӑмине уҫаҫҫӗ. 
Мемориалне Адамюк урамӗнчи 4-мӗш ҫуртра уҫӗҫ (унта генерал 1947-1948 ҫулсенче пурӑннӑ).

Майӑн 8-мӗшӗнче 8:30 сехетре хула урамӗсем тӑрӑх ЗИС-5 автомобиль, БА-20 бронеавтомобиль, ГАЗ-67 пӑшал макечӗпе автомобиль, трейлер ҫинче Т-34, ИС-3 танксем, «Катюша», ЗИС пӑшал макечӗпе автомобиль кайӗҫ.