«Кӗмӗл сасă – 2024» фестиваль-конкурса Тутарстанри чăваш çамрăкӗсем те хутшăннă

Унта Чăваш Ен, Тутарстан, Пушкăртстан республикисенчи, Ульяновск, Саратов, Пенза облаçӗсенчи чăваш юрăçисем хутшăннă. Пурӗ 14 уйрăм юрлаканпа 7 ансамбль хăйсен пултарулăхне кăтартнă К. В. Иванов ячӗллӗ Чăваш патшалăх академи драма театрӗн сцени çинче. 

«Кӗмӗл сасӑ — 2024» конкурс-фестиваль çӗнтерӳçисемпе паллаштаратпăр сире.

3-мӗш степеньлӗ лауреатсем:

— Максим Новиков (Тутарстан Республики); 

— «Мерчен» фольклор ушкăнӗ (Ульяновск облаçӗ); 

— «Каскад» юрӑ ансамблӗ (Тутарстан Республики, Пӑва районӗ). 

2-мӗш степеньлӗ лауреатсем: 

— Антон Иванов (Пушкӑртстан Республики); 

— «Икӗ Марье» дуэт — Мария Овечкина тата Мария Чолак (Пенза облаçӗ). 

1-мӗш степеньлӗ лауреатсем: 

— Александра Шевнина (Сӗнтӗрвӑрри тӑрӑхӗ); 

— Анна Алвандян тата Инесса Шашкина дуэчӗ (Элӗк округӗ); 

Саратов облаçӗнчен килнӗ Виктория Ендягина 1-мӗш степеньлӗ дипломант пулса тăнă.

Пушкӑрт Республикинчен килнӗ Марина Васильева «Кӗмӗл сасӑ — 2024» конкурсӑн Гран-прине тивӗçнӗ, çӗнтерӳçӗ пулса тăнă. 

Йӗпреç каччи Пётр Ильин Чӑваш çамрӑкӗсен «Хастар» ушкӑнӗн парнине тивӗçнӗ. 

Николай Ильин (Йӗпреç тӑрӑхӗ) «Куракансем кӑмӑлланӑ юрăç» хисеплӗ ята тивӗçнӗ.

Чăваш наци конгресӗн пресс-службин материалӗсем тăрăх.

Сăнӳкерчӗксем ЧНК пресс-службин.