Кӗрхи призыв 2019 пуçланчӗ

Тутарстанăн тӗп военкомӗ Сергей Погодин пӗлтернӗ тăрăх, кăçалхи октябрь-декабрь уйăхӗсенче призыв комиссийӗсене 18 пине яхăн çынна чӗнтерӗç. Никрутсенчен 36 процентне Сухопутнăй çарсене, 15 процентне Тинӗс-çар флотне, 13 процентне Стратеги пӗлтерӗшлӗ ракета çарӗсене, 11 процентне Сывлăшпа космос çарӗсене, 9 процентне Наци гвардийӗн çарӗсене, 8 процентне Сывлăш-десант çарӗсене тата ятарлă назначениллӗ çарсене, 3 процентне Оборона министерствин 12-мӗш Тӗп управленине, 5 процентне ытти подразделенисене ăсатӗç. Призыв 2019 çулхи декабрӗн 31-мӗшӗччен тăсăлать.