Кӳршӗре ЧР Тӗрӗ кунне кӗтсе илме хатӗрленеççӗ

Чăваш Республикинче Чăваш тӗррин кунне уявлама тата кӗтсе илме тахçан маларах тытăннă. Республикăри культура учрежденийӗсенче тӗрлӗ мероприятисем, куравсем иртеççӗ.

Ноябрӗн 21-мӗшӗнче ЧР Туслăх Çуртӗнче акă Тӗрӗ кунне халалласа ача-пăча ӳкерчӗкӗсен куравӗ уçăлнă, пӗлтерет «Хыпар» хаçат хăйӗн Телеграмри  каналӗнче. Чăннипех те ырă пуçару. Ку ачасемпе çамрăксене мӗн пӗчӗкрен тăван культурăпа паллашма, ăна ăша хывма май парать. 

Чăваш наци тӗррин орнаменчӗсемлӗ картинăсене Шупашкарти Э.Юрьев ячӗллӗ 4№ ача-пăча ӳнер шкулӗн вӗренекенӗсем ӳкернӗ. Ку ӗçсемпе кăмăл тăвакансем пурте паллашма пултараççӗ.