«Курше» фестиваль çуллахи сезона 40 миллион тенкӗ парне фончӗпе уçать

«Çӗнӗ сезонра фестиваль тепӗр утăм тăвать. Халӗ ку пулăмсем пирки кăна мар - вӗсем хыççăн мӗн юласси пирки те», – палăртнă Лейла Фазлеева.

Çӗнӗ сезонра  культура эткерлӗхӗн тата креативлă индустрисен сферинчи пуçарусене пулăшас тӗллевпе  «Курше. Мирас» проект хута каять. Ун шайӗнче çынсем арт-объектсем, креативлă резиденцисем, урамри фотокуравсем, кӗнекесем, альбомсем тата хăйсен картишӗн е районӗн мерчне  тума пултарӗç. Тӗп услови – Тутарстанăн кирек хăш хулинче те уçă сывлăшра сахалтан та виçӗ мероприятие ирттермелле.

Фестивалӗн парне фончӗ 40 миллион тенкӗпе танлашать. Харпăр хăйне ӗçпе тивӗçтерекенсем  хăйсен проекчӗсем валли 300 пин тенкӗ, компанисем – 500 пин тенкӗ, «Курше. Мирас» проект шайӗнче  хутшăнакансем – 1 миллион тенкӗ таран илме пултараççӗ.

Конкурса  июнӗн 8-мӗшӗнче пӗтӗмлетӗç, унтан сасăлав иртет. Çӗнтерӳçӗсем хăйсен проекчӗсене июлӗн 1-мӗшӗнчен пуçласа сентябрӗн 13-мӗшӗччен пурнăçа кӗртӗç.

Конкурс çинчен тӗплӗнрех куршефест.рф сайтра пӗлме пулать, унта çавăн пекех йӗреклӳçӗсемпе çыхăнма та май пур.

«Курше» фестивалӗн пресс-службин сăнӳкерчӗкӗ.