Лисичанскра сакăр операци ирттернӗ
ТР сывлăх сыхлав министрӗ Марсель Миннуллин Тутарстан шефа илнӗ Лисичанск хулинче октябрӗн 8-мӗшӗнче сакăр операци тунине пӗлтерет ведомствăн пресс-служби.
«Эп халь Лисичанск хулинче. 8 операци ирттертӗмӗр. Паян 9:00 сехетре ӗçлеме тытăнтăмăр, халь кăна (21:48 сехетре) юлашки операци вӗçленчӗ. Йăлтах йӗркеллӗ иртрӗ!» – пӗлтернӗ министр.
Каласа хăвармалла Марсель Миннуллин шефа илнӗ регионта пӗрремӗш хут кăна мар. Кăçал май уйăхӗнче министр Лисичанскра юсав иртнӗ больницăна уçнă çӗре хутшăннă.
«Эпир шеф-регион пулнăран ТР Раисӗ Рустам Миннихановпа пӗрле мирлӗ çынсене паха медицина пулăшăвӗ парас тесе мӗн кирлине йăлтах тăвăпăр",– каласа хăварнă вăл мероприятире.
Сăнӳкерчӗк «Татар-информ» ИА.
Следите за самым важным и интересным в Telegram-каналеТатмедиа
Нет комментариев