Лицензийӗ çук-тăк, çынсене турттараймăн

Лицензи илмен пассажир автобусӗсен июнӗн 29-мӗшӗнчен çынсене лартса çӳреме юрамасть, тесе пӗлтерет республикăри Çул-йӗрпе тарнспорт министерствин пресс-служби. 

Çак кунран пассажирсене турттаракан автобуса чарсан должноçри çынсене 50 пин тенкӗ штраф тӳлеттереççӗ. Уйрăм предпринимательсене 100 пин тенкӗ штраф пăхăннă, юридици сăпачӗсене 400 пин тенкӗ таран явап тыттарма пултараççӗ. Автобус çул çинче иккӗмӗш хут та лицензисӗр çаклансан ăна конфискацилеме пултараççӗ. 
Ведомстворан пӗлтернӗ тăрăх, Тутарстанра 17,5 пин автобус регистрациленнӗ. Вӗсенчен лицензи илнисем аран-аран çуррине çитеççӗ.