«Манăн çемье» ӳкерчӗксен конкурсӗ вӗçлениччен вăхăт нумай юлмарӗ, ӗлкӗрӗр
«Сувар» хаçат редакцийӗ пуçарнă «Манăн çемье» ӳкерчӗксен конкурсӗ вӗçлениччен нумай та вăхăт юлмарӗ. Конкурса янă ӗçсене 2023 çулхи мартăн 31-мӗшӗччен йышăнатпăр, хаçатăн 12-мӗш страницинче пичетлетпӗр, социаллă сетьсенчи ушкăнсенче кăларатпăр. Конкурса ӳкерчӗксем хаçатра пичетленсе пӗтсен пӗтӗмлететпӗр.
Мӗн вăл сирӗншӗн çемье? Мӗнле куратăр эсир хăвăр çемйӗре? Киçтӗкпе сăрăсем е кăранташ тытăр та ӳкерчӗк тăвăр, унтан редакцие ярса парăр. Конкурса шкула кайман ачасенчен пуçласа пӗтӗмӗшле пӗлӳ паракан шкулта 1 — 11 классенче вӗренекенсем хутшăнма пултараççӗ. Ӳкерчӗке графика, этюд, плакат, живопись, урăхла каласан хуть мӗнле мелпе те тума юрать.
Ӳкерчӗксене е почта урлă çырупа 420066, Хусан хули, а/я 64 адреспа, е паха сăн ӳкерсе хаçатăн suvar@mail. ru электронлă адресӗпе, е 89179076881 номерпе Ватсап урлă ярса памалла. Ӳкерчӗкӗн авторӗн ячӗпе хушаматне, адресне, хăш ача садне е шкула çӳренине, миçе çултине, вӗрентекенӗ (воспитателӗ) кам пулнине палăртма манмалла мар.
Ӳкерчӗксене ачасен çул ӳсӗмне кура тăватă категорие (4 — 6, 7 — 9, 10 — 13, 14 — 18 çултисем) пайласа çӗнтерӳçӗсене палăртăпăр, диплом тата асăнмалăх парне парса хавхалантарăпăр.
Конкурс вӗçлениччен вăхăт нумай юлмарӗ, ӳкерчӗксем кӗтетпӗр сиртен, çамрăк вулаканăмăрсем!
Следите за самым важным и интересным в Telegram-каналеТатмедиа
Нет комментариев