Мартăн 7-мӗшӗнче иртекен Хусан марафонне Евгений Устюгов килет

Пуян историллӗ Хусан марафонӗ çӗршывăн чи лайăх 5 марафонӗн шутне кӗрет. Çавăнпа ăна Раççейре лайăх пӗлеççӗ. Унта хутшăнас текенсем кăçал та нумай пуласса кӗтеççӗ йӗркелӳçӗсем. Паянхи кун тӗлне унта хутшăнма Раççей регионӗсенчен 600 спортсменран заявка килнӗ. Ăмăртăва çаплах паллă биатлонист Евгений Устюгов хутшăнасси те паллă, кун çинчен паян «Татар-информ» агентствăра иртнӗ пресс-конференцире ăмăртăвăн тӗп судьйи Фанис Газизов пӗлтерчӗ.

Хусан марафонӗ пӗлтӗрхи пекех Хусанти Юдино поселокӗнчи «Локомтив» стадионра иртет. Чăн та, маршрута кăшт улăштарма тивнӗ. Унта хутшăнакан арçынсен те, хӗрарăмсен те тулли марафонра ирӗклӗ мелпе 50 километра, çурма марафонра – 30, спутникра 5 километра чупмалла.

Ку марафона хутшăнас тесен маларах регистрациленмеллине,медицина справкипе страховка кирлине аса илтерчӗç. Заявкăсене ăмăрутччен 4 кун юличчен йышăнаççӗ.