МАХра шкул ачисене информаци хăрушсăрлăхӗ енӗпе пулăшакан çутӗç проектне хута янă
МАХ мессенджерта шкул ачисем валли «Сферумăн» интерактивлă пулăшуçи – «Путь в сети» ятлă чат-бот – хута кайнă, тесе пӗлтерет ТР Вӗрентӳпе наука министерствин пресс-служби. Вăл ачасене интернетра хăрушсăрлăхпа çыхăннă пӗлтерӗшлӗ ыйтусене татса пама пулăшӗ.
Проект 5 – 11 классенче вӗренекен ачасем валли хатӗрленӗ кибербуллинг енӗпе квестран пуçланать. Ачасем героя хăйсем суйласа илеççӗ. Çав герой мӗн тунине кура интернетра мӗнле лару-тăрăва лекме пултарнине ăнланса илеççӗ. Суйласа илнӗ сăнар мӗнле лару-тăрăва лекесси вара вылякан тăвакан утăмсенчен килет. Сюжет йӗрӗ тӗрлӗ тапхăрта тунă йышăнусене кура тӗрлӗ çулпа кайма пултарать.
Чат-бот шкул ачисене малашне те сетьре хăйсене еплерех тытмалли правилăсемпе паллаштарсах пырӗ. «Путь в сети» чат-бота ӗçлеттерсе ярас тесен ăна ятне шыравра (поиск) çырса тупмалла.
Автор сăнӳкерчӗкӗ.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев