Наци проекчӗсене пурнăçа кӗртме укçа-тенкӗ уйăрнă

Пӗтӗмпе 2026 çул валли республика бюджетӗнче наци проекчӗсем валли 53 миллиард тенкӗ яма палăртнă, çак суммăран 28,8 миллиарчӗ федераци бюджетӗнчен, 24,2 миллиарчӗ Тутарстан бюджетӗнчен килет.

Наци проекчӗсем шайӗнче  республикăра кăçал социаллă пӗлтерӗшлӗ 218 объекта тӗпрен юсама 26,4 миллиард тенкӗ уйăрӗç. Çак укçапа  38 пӗтӗмӗшле пӗлӳ паракан учреждение, 8 ача садне, сывлăх сыхлав отраслӗн 5 объектне, 23 культурăпа çамрăксен политикин объектне, 2 экологи объектне, 42 общество уçлăхне тирпей-илем кӗртӗç, ÇКХ коммуналлă инфраструктурăн 17 объектне тата çул-йӗр сечӗн 83 объектне модернизацилӗç. Çавăн пекех 3,7 миллиард тенкӗ оборудовани туянма тата 23,7 миллиард тенкӗ – ачаллă çемьесене пулăшма тата ытти мероприятисене ирттерме ярӗç.