Тутарстанра 2025 çулта 80 çамрăк çемьене наци йăли-йӗркипе туй ирттерме грант панă. Кун пирки ТР çамрăксен ӗçӗсен министрӗ Азат Кадыров «Татар-информа» пӗлтернӗ.
«Пурӗ 80 çемье çакăн пек грант илме тивӗçрӗ. Проект анлă сарăлчӗ, ăна çамрăксем те, туй ирттерекенсем савăнса йышăнчӗç. Пирӗн ытти регионти ӗçтешсем çак проектпа интересленеççӗ, ăна мӗнле пурнăçламаллине ыйтса пӗлеççӗ», – пӗлтернӗ ведомство ертӳçи.
Грант укçине 35 çула çитмен тата республикăра 3 çултан ытларах пурăнакан мăшăрсене панă. Ăна илме çамрăксем заявка тултармалла тата видеовизитка хатӗрлесе собеседовани иртмелле пулнă.
Нет комментариев