Н.Сорокинăн çӗнӗ романӗ тухрӗ

ТР ЧНКА çумӗнчи Чăваш çыравçисен союзӗн председателӗн Николай Сорокинăн нумай пулмасть черетлӗ романӗ «Тăлăх арăм минтерӗ» тухрӗ. Ăна Шупашкарти Чăваш кӗнеке издательствипе «Çӗнӗ вăхăт» типографисем 1000-шер экземплярпа пичетлесе кăларчӗç. Кӗнекере автор Тăван çӗршывăн Аслă вăрçи вăхăтӗнче тăлăха юлнă хӗрарăмсен йывăр пурнăçне, нуши-тертне çырса кăтартать.

Çӗнӗ романа мартăн 16-мӗшӗнче 17 сехетре ТР ЧНКАра (Хусанти Туслăх Çурчӗ, 3-мӗш хут) презентацилеççӗ. Пурне те ыр сунса кӗтетпӗр. (И.Кузьмина сăнӳкерчӗкӗ).