Олег Мустаев суйлава хутшăнать

Ульяновск облаçӗн Чăваш наципе культура автономийӗн ертӳçи Олег Мустаев хальхи вăхăтра Ульяновск хула Думине Атăл Леш енчи 15-мӗш номерлӗ пӗр мандатлă суйлав округӗнчен депутата суйланма хатӗрленет. Унăн кандидатурине Ульяновск хулин мэрӗ Сергей Панчин сӗннине пӗлтернӗччӗ 73online.ru сайт. Аса илтеретпӗр, Сергей Панчин июнӗн 15-мӗшӗнче Ульяновск мэрне суйлансан Хула Думин депутачӗн тивӗçӗсене пурнăçлама чарăнчӗ.

Хула Думинче çак пушаннă вырăна депутата суйлама виçӗ кандидат тăратнă, вӗсем Олег Мустаев (Единая Россия), Яков Панков ( КПРФ) тата Алексей Цибарков (ЛДПР). Халăх вӗсенчен хăшне ытларах шаннине сентябрӗн 9-мӗшӗнче, пӗрлехи суйлав кунӗнче, сасăласа пӗлтерӗ.