Ача садике çӳренĕшĕн тӳлени çинчен электронлӑ справкăна Патшалăх услугисен порталĕ урлă илме пулать.
Çулталăкне Хусанта 10 пин хут справка параççӗ. Ашшӗ-амӑшӗ документа илмешкӗн сахалтан та 1 сехет тӑкаклать. Халĕ тӳлевсӗр тата юридици тӗлӗшӗнчен пӗлтерӗшлӗ справкăна 5 минут хушшинчех ниçта та каймасăр илме пулать.
Справкăна илес тесен:
- Патшалăх услугисен порталне кĕрсе «Детские сады» уйрӑма куçмалла;
- «Запрос справки о состоянии расчетов в дошкольном образовательном учреждении» сервиса суйламалла;
- Заявление тултарса ярса памалла;
- Документ хатӗр пирки уведомлени килсессен справкăна харпӑр кабинетран илмелле.
Паян республикӑри ача сачĕсене 210 пин ытла ача çӳрет. Çӗнӗ сервис ашшӗ-амӑшӗн пурнăçне кăштах çăмăллатать.
Халӗ унпа Хусанта пурӑнакансем кăна усă курма пултараççӗ. Çитес вӑхӑтра пӗтӗм Тутарстан çыннисемшӗн сервис юрӑхлӑ пулса тӑрӗ.
Нет комментариев