Паян пирӗн кун, комсомолецсем!

Паян, октябрӗн 29-мӗшӗнче, комсомол хăйӗн 100 çулхи юбилейне паллă тăвать. Шăпах 100 çул каялла Раççейре çамрăк коммунистсен союзне (СССР йӗркеленсен ВЛКСМ) туса хунă. Вăл вăхăтри çамрăксемшӗн комсомол пушă сăмах кăна пулман. БАМ, КАМАЗ, çӗршыври тата ытти пысăк стройкăсем, целина тата, паллах, Тăван çӗршывăн Аслă вăрçи... Ӗçре, хăрушă вăрçăра паттăрлăх кăтартма хавхалантарнă вăл. Раççейри миллион-миллион çамрăк тăнă çак организацире. 1970 çулсенче вӗсен шучӗ 36 миллиона çитнӗ. Ӗнерхи комсомолецсем паян тӗрлӗ сферăра ӗçлеççӗ. Çавăнпа уявпа, ӗнерхи комсомолецсем!