Пӗлтӗрхипе танлаштарсан кӑҫал Тутарстанра 18% ытларах пушар пулнӑ

2021 ҫул пуҫланнӑранпа Тутарстанра 2000 ытла пушар пулса иртнӗ. Пушарсенче кӑҫал 77 ҫын вилнӗ, 2020 ҫулпа танлаштарсан ку кӑтарту 71% ҫӳлӗрех.

Апрелӗн 26-мӗшӗнчен пуҫласа майӑн 16-мӗшӗччен республикӑра вут-кӑвара хирӗҫ пыракан ятарлӑ йӗрке пырать. Ҫак вӑхӑтра урамра кӑвайт, типӗ курӑк, мусор ҫунтарма юрамасть. Пушара хирӗҫ пыракан ятарлӑ йӗркене пӑснӑшӑн штрафсем ытти чухнехинчен 2 хут пысӑкрах пулаҫҫӗ.

Ыран ТР Министрсен Кабинетӗнче чрезвычайлӑ лару-тӑрӑва асӑрхаттарас тата пӗтерес енӗпе ӗҫлекен комисси ларӑвӗ иртӗ, унта тӗрлӗ ведомствӑсен представителӗсем пушарсен йышӗ ӳсни пирки калаҫӗҫ.

Татар-информ архивӗнчи сӑнӳкерчӗк.