Программирование тӳлевсӗрех вӗрентӗҫ
РАНХиГС Хусанти филиалӗ наци проекчĕпе пурнӑҫланакан «Пуласлӑх кочӗ» вӗрентӳ программин площадки пулнине пĕлтерет. Сентябрь уйӑхӗнче 8-11 классенчи шкул ачисене, техникумсемпе колледжсен студенчӗсене кăçал кĕркунне тÿлевсĕр курс иртме чĕнет.
Вӗренӳ заведенийӗн площадкинче сайтсем ертсе пыма, интернетри хӑрушсӑрлӑха тата дизайна вӗрентĕç.
Мĕн тумалла-ха курса хутшăнас тесен?
- Патшалăх услугисен (Госуслуги) порталĕнче çирĕплетнĕ запись урлă заявка ямалла, заявкăна ашшĕ-амăшĕ те тултарса яма пултарать.
- Унтан тĕрĕслев иртмелле: пĕрремĕш модуль материалĕсемпе хăй тĕллĕн паллашнă хыççăн тест памалла.
Курссем ҫулталӑка тăсăлĕҫ. Занятисем эрнере пӗрре куҫӑн е интернет урлă иртӗҫ. Вĕреневе ăнăçлă вĕçленĕ хыççăн сертификат илме пулать.
Аса илтеретпӗр, «Пуласлӑх кочӗ» вӗренӳ программи Раҫҫей Президенчӗн Владимир Путинӑн пуҫарӑвӗпе 2018 ҫулта ĕçлеме пуçланнă.
Сăнӳкерчӗк «Татар-информ» ИА.
Следите за самым важным и интересным в Telegram-каналеТатмедиа
Нет комментариев