Регионсенче коронавируспа чирлесси чакса пырать

Ӗнтӗ çулталăк ытла çӗршыв коронавируспа кӗрешет. Паянхи куна Тутарстанра пурӗ 18 879 çынра Covid-19 вирусне асăрханă. 15627 çын çак чиртен сывалнă. Шел пулин те 388 çын ковида пула пурнăçран уйрăлнă. Статистика тăрăх, чирлекенсен шучӗ чакса пырать. Мартăн 18-мӗшӗнче Тутарстанра 49 çын чирлени çинчен пӗлтерет республикăри Сывлăх сыхлав министерстви.

Чăваш Республикинче Кӑшӑлвируспа хӑш районта ытларах чирлеҫҫӗ? Пуш  уйӑхӗн 10-мӗшӗ тӗлне хатӗрленӗ «вирус карттине» тишкерме сӗнет «Чăваш халăх сайчӗ».

Хӗрлӗ Чутай тата Шӑмӑршӑ районӗсем, Ҫӗмӗрле хули – ҫак муниципалитетсенче чирлес хӑрушлӑх пысӑк. Шӑмӑршӑ тӑрӑхӗнче – 287, Хӗрлӗ Чутай районӗнче – 345, Ҫӗмӗрлере 681 ҫын каварлӑ вируса ҫаклатнӑ.

Паллах, ытларах ку енӗпе Шупашкар «палӑрнӑ». Унта 10904 ҫын чирленӗ. Иккӗмӗш вырӑнта – Ҫӗнӗ Шупашкар (1632 ҫын). Ун хыҫҫӑн Шупашкар районӗ (1100), Ҫӗмӗрле (681), Улатӑр (672) пыраҫҫӗ.

Чи сахал ҫын чирленӗ районсен шутне ҫаксем кӗнӗ: Йӗпреҫ районӗ (185), Красноармейски районӗ (178), Сӗнтӗрвӑрри районӗ (173), Ҫӗмӗрле районӗ (137).

ЧР Сывлăх сыхлав министерствин кăтартăвӗсем