Рустам Минниханов Бурсари автозаводра пулса курнă

Унта икӗ тӗрлӗ хăватлă двигательлӗ автомобильсем кăларма палăртнă. Перспективăра пилӗк модель. 2023 çулта февраль уйăхӗнче çак машина çине заказсем илме пуçлаççӗ, март уйăхӗнче сутма тытăнаççӗ. Çулталăкне 175 000 автомобиль сутма палăртнă. Заводри технологисене 90% автоматизациленӗ. 
«Эсир паян кунта килни пирӗншӗн пысăк чыс», – тенӗ завод ертӳçисем Тутарстан Президентне. 
«Сире çакнашкал проектпа саламлатпăр. Пӗлтӗр июнь уйăхӗнче эсир ăна пире презентациленӗччӗ, паян ӗнтӗ ак производствона та курма май пур. Шанса тăратăп, ку проект ăнăçлă пулать», – тесе палăртнă Рустам Минниханов. 
Президента заводри сваркăпа пуху цехӗсене кăтартнă. Экскурси вӗçленсен хăнасем автомобилӗн тест-драйвне хутшăннă.