«ШАНĂÇ» ЕРТӲÇИ – ЛАУРЕАТ

Нумай пулмасть Ульяновскри «Губернаторский» Культура керменӗнче облаçри халăх пултарулăхӗн коллективӗсен ертӳçисене паракан «Браво, Маэстро!» ведомство премийӗн кăçалхи лауреачӗсене наградăларӗç. Ку премие халăх пултарулăхӗпе йăла-йӗркесене упрас ӗçре нумай çул ӗçленӗ, пултарулăхра пысăк çитӗнӳсем тунă, педагогикăпа çутӗçре хастар ӗçлекен ертӳçӗсене параççӗ. 

Кăçал çак премие илме Ульяновск облаçӗнчен 33 кандидат тăратнăччӗ. «Наци коллективӗн ертӳçи» номинацире Р.П.Нарушева ячӗллӗ премие Чăнлă районӗнчи «Шанăç» халăх ансамблӗн ертӳçи В.Н.Игнатьева-Тарават тивӗçрӗ. Саламлатпăр Валентина Николаевнăна!

Хамăр инф.

Р.Игнатьев сăнӳкерчӗкӗ.