Шансан та тӗрӗсле. Тутарстансене каллех çаратаççӗ

Лешӗнчен хурав кӗтсе илейменнипе мăшăрне шăнкăравласан тин пӗлӗшӗн аккаунтне шулӗксем çӗмӗрнине пӗлнӗ. Полици граждансене лайăх паллакан çынсенчен те телефонпа килекен хуть мӗнле информацие лайăх тӗрӗслемеллине, банк карттипе шут даннăйӗсене никама та каламалла маррине, пӗлмен шут çине нихăçан та укçа куçарма, ярса панă ссылкăсемпе кӗме юраманнине асăрхаттарать.

Ашшӗ-амăшӗн çуртне чутах суттарман
Элмет çынни çак кунсенче Çарăмсана ашшӗ-амăшӗ патне хăнана килсен 400 пин тенкӗ укçисӗр тăрса юлнине хăй те сиссе юлайман. Йăлтах суя сотовăй оператор шăнкăравӗнчен пуçланнă. Килӗшӗве тăсмасшкăн унăн ниçта та кайса çӳремелле те мар иккен, смс-кода кăна каламалла. Каланă — тунă. Çапла патшалăх услугинчи харпăр кабинета кӗме хăйех çул уçнă вăл. Малалла йӗрке хуралӗ, кредит организацийӗн ятӗнчен шăнкăравсем килме тытăннă. Ун ячӗпе такамсем доверенность туса машинине сутасшăн иккен. Çавăнпа вӗсене алăран ярса тытмалла-мӗн, кун валли вӗсен инструкцине пăхăнмалла. Пӗр иккӗленмесӗрех машинин докуменчӗсене вӗсене ярса панă. Тепӗр кунах хайхисем машинине сутса та янă. Укçине вара шанчăклă вырăна хунă имӗш. «Следователь» тепӗр кун каллех шăнкăравланă. Хальхинче ашшӗ-амăш çурчӗн докуменчӗсене тата килте пур мӗнпур ылтăн эрешсене сăн ӳкерсе ярса пама ыйтнă. Çакăн хыççăн тин арçын хăйне улталанине ăнланса илнӗ.