Шкула хăçан каймалла мар?

ТР Вĕрентӳпе наука министерстви миçе градус сивӗре хăш классем шкула каймалла маррине çапла пӗлтерет:

• Сывлăш температури -23 градус пулсан, ял шкулӗсенчи пуçламăш классем вӗренмеççӗ;
• -25 градуса çитсен – хула шкулӗсенчи пуçламăш классем, ял шкулӗсенчи 5–9 классем;
•  -27 градусра хула шкулӗсенчи 5–9 классем;
• -30 градусра ял шкулӗсенчи 10-11 классем;
• -32 градусра хула шкулӗсенчи 10-11 классем. 

Сывлӑш температури -3 градусран ытла мар сивӗ пулсан, çил çеккунтра 6–10 метртан сахалрах хăвăртлăхпа вӗрсен кӗçӗн классемпе урамра физкультура урокне ирттерме юрать; аслӑ классемпе -10 градусран ытла мар пулмалла.

Сывлăш температури -25 градусран сивӗрех пулсан шкул ачисене автобуссемпе турттарма юрамасть.