Шкулсем валли дронсем туянаççӗ

 ТР Вӗрентӳпе наука министерстви кун валли 99,4 миллион тенкӗ уйăрать. Унпа 432 беспилотник конструкторӗ (216-шер программăлакан вӗрентӳ квадрокоптер наборӗпе спорт квадрокоптерӗ) тата 144 «Аэро» ресурс наборӗ туянӗç. Патшалăх туянăвӗн порталӗнче тендер вырнаçтарнă та ӗнтӗ тесе пӗлтертет РБК Татарстан сайт.

Республикăри пурӗ 18 шкула 24-шар конструкторпа 8-шар «Аэро» наборне парӗç. Проектра Хусанти 6 шкул, Ешӗлвар районӗнчи — 5, Çырчалли, Лайăш, Спаспа Тури Услон, Пӗкӗлме районӗсенчи 2-шер вӗрентӳ учрежденийӗ хутшăнать. Пӗтӗмпе ку проект валли 301,3 миллион тенкӗ (244,1 миллионӗ — федераллă, 57,2-шӗ регион бюджетӗнчен) уйăрӗç.