Специалистсенчен хурав кӗтеҫҫӗ

Тутарстан Президенчӗ Рустам Минниханов республикӑри компетентлӑ специалистсене Ҫӗнӗ ҫул каҫӗ апатлантару заведенийӗсене мӗнлерех режимпа ӗҫлеттересси пирки шухӑшласа пӑхма сӗннӗ. Ҫакӑн ҫинчен ТР Президенчӗн пресс-службин ертӳҫи Лилия Галимова пӗлтернӗ.
"Ыйту килчӗ. Президент ӑна курчӗ. Вӑл Роспотребнадзорӑн штабне уявра общепит ӗҫне санитарипе эпидемиологи хӑрушсӑрлӑхӗ тӗлӗшӗнчен мӗнлерех йӗркелеме пулни пирки шухӑшласа пӑхма хушрӗ", – тенӗ Галимова.
ТР Президенчӗн пресс-службин ертӳҫи палӑртнӑ тӑрӑх, мерӑсене ҫирӗплетессипе е ҫемҫетессипе ҫыхӑннӑ йышӑнусем административлӑ майпа кӑна йышӑнмаҫҫӗ. Роспотребнадзор, Минздрав ӗҫченӗсемпе, мӗн пур теветкеллӗхе хаклама пултаракан специалистсемпе консультативлӑ ӗҫ илсе пырӑнать.
Ҫывӑх вӑхӑтра хурав килет. Президент ҫак ыйтӑва сӳтсе явма хушнӑ", – пӗтӗмлетнӗ Галимова.