Сӗрӗм тивнӗ

Ку пысăк инкек ноябрӗн 18-мӗшӗнче Пӗкӗлмере пулнине хыпарлать РФ Следстви комитечӗн Тутарстанри управленийӗн пресс-служби. Кунти Гарифуллин урамӗнчи пӗр çуртра  28-ти арçынпа виççӗри хӗрачи наркăмăшланса вилнӗ, 27-ри мăшăрне больницăна ăсатнă. Вӗсене кил хуçин амăшӗ, пӗчӗк мăнукне хăй патне илсе каяс шутпа килнӗскер, асăрханă. Вăл çитнӗ çӗре ывăлӗпе пӗчӗк мăнукӗ сывламан пулнă ӗнтӗ. Кинӗ вара тăнне çухатнă. Çапла майпа хӗрарăм кинне кăна тăна кӗме пулăшайнă. Кун хыççăн васкавлă пулăшу чӗнтернӗ. Хальхи вăхăтра çак инкекӗн сăлтавӗсене следстви тӗпчет. Хальлӗхе паллă пулнă версисенчен пӗри – çемьене сӗрӗм тивни.