СССР летчик-космонавчӗ, икӗ хутчен Совет Союзӗн Геройӗ, авиацин генерал-майорӗ Андриян Григорьевич Николаев çуралнăранпа кăçал 95 çул çитет.
Иртнӗ эрнере паллă ентешӗмӗрӗн юбилейне халалласа унăн тăван ялӗнче — Чăваш Енри Сӗнтӗрвăрри округне кӗрекен Шуршăлта — йывăç лартнă.
Çак ырă ӗçе 300 яхăн çын хутшăннă. Ельниково ялӗ çывăхнерех уйăрнă лаптăк çине 1000 тӗп юман лартнă чăваш халăхӗн мухтавлă ывăлне халалласа.
Каласа хăвармалла: ку ырă ӗç «Астăвăм сачӗ» халăхсен хушшинчи акци шайӗнче иртет. Шуршăлта çавăн пекех «Россия» курав-форумра Чăваш Республикине панă Крым хырне те лартнă.
Сăнӳкерчӗксем ЧР Культура, национальноçсен тата архив ӗçӗсен министерствин пресс-службин.
Нет комментариев