Çӗнӗ хыпарсем
Теччӗпе Çӗнӗ Шуçăмра тухăç пысăк
Вырма малалла тăсăлать. Кӗрхи тырăсене пухма республикăн 38 районӗ тухнă. Июлӗн 24-мӗшӗ тӗлне 198,6 пин гектарти тырра пухса илмӗ ӗлкӗрнӗ. Пӗр гектара тивекен вăтам тухăç 33,5 центнер.
Теччӗпе Çӗнӗ Шуçăм районӗнче тухăç чăнах та савăнтарать. Пӗр гектартан кунта 51-шер центнер илеççӗ, Чистай, Ютаза, Мензеле, Тукай тата Заинск районӗнче — 41 ытла.
Аса илтеретпӗр, республика çӗр ӗçченӗсен кăçал 1 миллион та 332 пин гектарти тырра, 35 пин гектарти кукурузăна, 482 пин гектарти çуллă культурăсене, 55 пин гектарти сахăр чӗкӗнтӗрне, çӗрулмие — 4,3, ытти пахча çимӗçе 1,9 пиншер гектартан пухса кӗртмелле.
Следите за самым важным и интересным в Telegram-каналеТатмедиа
Нет комментариев