«Тутарстан чăваш пики – 2021» апрелӗн 24-мӗшӗнче иртет

«Тутарстан чăваш пики – 2021» апрелӗн 24-мӗшӗнче иртет ӗнтӗ. Халӗ конкурсăн районти тапхăрӗсем иртеççӗ, унта чи маттур пикесене суйлаççӗ. Хăш-пӗр финалисткăсем паллă халӗ. Камсем-ши вӗсем?

Нурлат районӗ - Анастасия Павлова;

Анат кама районӗ - Оксана Ситриванова;

Çӗпрел районӗ - Алия Карусева (финала тата Алина Портновăна чӗннӗ);

Пăва районӗ - Виолетта Николаева (финала тата Валентина Юркинăна чӗннӗ);

Теччӗ районӗ - Кристина Шумилкина;

Аксу районӗ - Юлия Погодкина;

Элкел районӗ - Жанна Паишева;

Чистай районӗ, «Сувар пики 2021» - Виктория Егорова.

Ытти пикесен ячӗсене çитес кунсенче пӗлӗпӗр, апрелӗн 24-мӗшӗнче вара конкурса вӗсене курма кайăпăр. Хисеплӗ вулакансем, эсир те «Тутарстан чăваш пикине» Хусанти халăхсен туслăх çуртне 15:00 сехетре килме пултаратăр.