Тутарстан Республикин Культура кунӗсем

Культура кунӗсен шайӗнче курав проекчӗсем уçӑлӗç, Кино кунӗсем, Тутарстан Республикин артисчĕсем тата коллективӗсем хутшӑннипе концертсем иртӗç. «Халӑх ремеслисене аталанма условисем туса парасси» çавра сӗтеле хутшăнакан экспертсем пĕр-пĕринпе опытпа ылмашӑнӗç.

Тутарстанри Наци музейӗ тата  Белорусири Наци историйĕн музейӗпе Наци библиотеки хушшинче пĕрле ĕçлес килӗшĕве алӑ пусӗç. Белоруси Наци библиотекине Тутарстан Республикин историйӗ, культури тата искусстви çинчен каласа паракан кӗнекесем парнелӗç, тесе пӗлтерет ТР Культура министерстви.

Пӗлтӗр – августӑн 17-мӗшӗнчен пуçласа 20-мӗшӗччен – Тутарстанра Белоруси Республикин Культура кунӗсем иртнине аса илтереççӗ ведомствӑра. Кӑçал июль уйăхĕнче ТР Наци музейӗнче «Беларусӗн чӗрӗ еткерлӗхӗ» пысӑк курав уçӑлни пирки пĕлтернĕччĕ. Вăл сентябрӗн 17-мӗшӗччен иртет.

Сăнӳкерчӗк mincult.tatarstan.ru сайтран.