Тутарстанра –34 градус таран сивӗтет

Паян республикӑра аномалиллӗ сивӗ ҫанталӑк пулать, тесе пӗлтерет ТР Гидрометцентрӗ.

Тутарстан ҫийӗнчи тӳпе пӗлӗтлӗ пулать, выранӗ-вырӑнӗпе юр ҫума пултарать. 

Сил ҫурҫӗр-хӗвеланӑҫ енчен ҫеккунтра 3-8 метра вӗрет. Ҫулсем ҫинче пӑрлак пулать. Уйрӑм районсенче тӗтре анма пултарать, теҫҫӗ синоптиксем.

Ҫӗрле тата ирхи вӑхӑтра сывлӑш температури регионра 23-28 градус сивӗ пулать. Кӑнтӑрла тӗлне сывлӑш температури -18, -23 градуса ӑшӑнать. Уяртсан сывлӑш температури -34 градуса ҫитме пултарать.