Тутарстанра 7,6 пин çын çӗнӗ професси илме пултарать
Республикăра «Кадры» наци проекчӗ шайӗнче çӗнӗ професие тӳлевсӗр вӗренме заявкă йышăнма пуçланă. Вӗсем валли «Работа России» порталта 32 вӗренӳ программи хатӗрленӗ.
ТР Ӗçпе ӗçлӗх тата социаллă хӳтлӗх министерствинче пӗлтернӗ тăрăх, вӗрентӳ хальхи вăхăтра кирлӗ специальностьсемпе иртет. Вӗсен хушшинче – бухгалтер, даннăйсен базин администраторӗ, веб-разработчик, водительсем, хăна çурчӗн администраторӗ, техника пулăшăвӗн специалисчӗсем, çӗвӗç тата ыттисем.
Çӗнӗ профессие вӗренес тесен «Работа России» порталта заявка памалла, кадрсен центрӗнче профориентаци иртмелле. 2026 çулта Тутарстанра пурӗ 7,6 пин çынна çӗнӗ профессие вӗрентме палăртнă.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев