Тутарстанра ырă ӗçсен марафонӗ пуçланнă

Тутарстанра Тăван çӗршыв хӳтелӗвçисен çемйисен комитечӗ акци шайӗнче тӗрлӗ мероприяти ирттерме палăртнă:

• Ноябрӗн 17-мӗшӗнче ТИСБИ университечӗн студенчӗсемпе тӗлпулу иртнӗ, унта патриотизм тата çар çыннисен çемйисене пулăшасси пирки калаçнă;
• Ноябрӗн 18-мӗшӗнче Хусанти çар госпиталӗнче аманнă салтаксемпе тӗлпулу иртет;
• Ноябрӗн 19-мӗшӗнче Элметре СВОна хутшăнакансен çемйисене юридици тата психологи пулăшăвӗ парӗç;
• Ноябрӗн 20-мӗшӗнче салтаксем валли гуманитари тиевӗ ăсатӗç;
• Ноябрӗн 21-мӗшӗнче çавра сӗтел пулать, унта хутшăнакансем çар çыннисен çемйисенче ӳсекен ачасене мӗнле пулăшмаллине сӳтсе явӗç;
• Ноябрӗн 22-мӗшӗнче  «Правомобиля КСВО»  ӗçӗ – юристсем çемьесене кирек мӗнле ыйтупа та тӳлевсӗр консультаци парӗç;
• Ноябрӗн 23-мӗшӗнче пӗтӗмлетӳ мероприятийӗ иртет, унта «От сердца к сердцу»  патриотла спектакль кăтартӗç.

Тăван çӗршыв салтакӗсен çемйисен комитечӗ 150 тонна ытла гуманитари тиевӗ –  машинăсем, дронсем, медикаментсем, апат-çимӗç тата усă курма кирлӗ япаласем ятарлă çар операцине янине пӗлтернӗ ведомствăн ертӳçи Ангелина Галимова.  

«Эпир пурне те харăс пулăшма май çуккине ăнланатпăр, çавăнпа та хамăртан ыйтакан подразделенисене тӗллевлӗн пулăшатпăр – чи кирлӗ япаласемпе тивӗçтеретпӗр», – пӗлтернӗ Ангелина Галимова.

Штаб ӗçлеме пуçланăранпа  типӗ душ хатӗрлес, маскировка сеткисем çыхас, витаминлă чей тăвас ӗç тăтăшах пуçланнă.