Тутарстанри чӑвашсем аслӑ пуху ирттерӗҫ

Эпир ӑна пӗлтӗртенпе кӗтетпӗр. Анчах пандеми плансене самаях улӑштарчӗ. Икӗ хут палӑртнӑ, делегатсене суйласа хунӑ пухӑва урӑх кунсене куҫарма тиврӗ.

Акӑ, тинех, конференци кунӗ паллӑ. Анчах унта хутшӑнакан делегатсене районсенчи чӑвашсен шутне кура мар, кашни районран представитель пултӑр тесе палӑртнӑ – кашни муниципалитетран икшер делегат. ЧНКА Канашне кӗрекенсене шута илсен, Конференцие 60 ытла чӑваш хутшӑнмалла.

Кун йӗркинче – ЧНКА Канашӗн Председательне суйласси – тӗп ыйту пулса тӑрать.