Тутарстанри чӑваш хӗрарӑмӗсен союзӗн делегацийӗ Чӑваш Ен хӗрарӑмӗсен союзӗ патӗнче хӑнара пулчӗ

Хӗрарӑмсем Чӑваш тӗррин музейӗнче пулса курнӑ, унтан Наци музейӗнче Раççейĕн тĕрленĕ карттипе паллашнӑ, ҫавӑнтах "Единство женщины в стремлении творить" темӑпа ҫавра сӗтел ирттернӗ, парнесемпе ылмашнӑ. Чӑваш Ен хӗрарӑмӗсен союзӗн председателӗ Наталья Алексеевна Николаева Тутарстанри чӑваш хӗрарӑмӗсен союзӗн председателӗ Сильвия Николаевна Чаркина ҫине шарф ҫыхса ӑна Чӑваш Ен хӗрарӑмӗсен союзне илнӗ.

Юлашкинчен хӗрарӑмсем Шупашкар тӑрӑх уҫӑлса ҫӳренӗ, паллӑ вырӑнсемпе паллашнӑ. Организацисем малашне пӗрле ӗҫлеме шутлаҫҫӗ, тӗрлӗ проектсем пурнӑҫлама хатӗрленеҫҫӗ.