Анат Камăра пурăнакан хӗрарăм ултавçăсен аллине лексе 300 пин тенкисӗр тăрса юлнă. Кун пирки ТР ШӖМӗн пресс-служби пӗлтерет.
53 çулти хӗрарăма палла мар çынсем – малтан çыхăну операторӗн представителӗ, унтан «Госуслуги» порталăн «специалисчӗ», каярах – Раççей Банкӗн «ӗçченӗ» – шăнкăравланă. Усал шухăшлă çынсем хӗрарӗм ячӗпе кредитсем илме хăтланнине пӗлтернӗ, укçа-тенке сыхласа хăварас тесе ăна «хăрушлăхсăр счет» çине куçарма сӗннӗ. Вӗсем каланине ӗненсе вăл хăйӗн пӗтӗм перекетне мошенниксене куçарса панă.
Каярахпа ултавçăсен аллине лӗкнине ăнланса илсен хӗрарăм полицие кайнă.
Нет комментариев