Упра эс ăна, ун пеккисем сайра халь...

– Уйрăлатăп санран, – тет Вӗçкӗн Ваççа, арăмне хытă тарăхнăскер. – Кам мӗнле машинăпа усă курать – çавă ăна юлать: мана – «Лексус», сана – кӗпе çумалли...

* * *

– Ӗнер лавккара пӗр килограмӗ 600 тенкӗ тăракан помидор куртăм, – тет Яка Кулине.

– Ан калаç! Вара?

– Вара... çав помидорпа селфи турăм ара...

* * *

Судра. Вăрра айăплаççӗ.

– Эсир мӗншӗн лавккана кӗтӗр? – ыйтать судья явап тытаканран.

– Ара, арăм халтан ячӗ: çав кӗпене туянас килет, çав кӗпене туянас килет... Манăн вара укçа çукчӗ...

– Кайран тепӗр хут çав лавкканах мӗншӗн кӗтӗр вара?

– Арăма кӗпе килӗшмерӗ те ăна каялла кайса хурас терӗм...

* * *

– Атте, мӗн тумалла? Арăм иккӗмӗш эрне манпа калаçмасть, – канаш ыйтать Ахванеç ашшӗнчен.

– Упра эс ăна, ывăлăм, ун пеккисем сайра халь...