Вируссем пулсан та лару-тăру лăпкă

Грипп тата вируслă инфекцисен чирӗсен сезонӗ пуçланас умӗн Тутарстанра медицина учрежденийӗсенче эмелсем, маскăсем хатӗрлеççӗ. Çак вăхăтра короновируспа аптракансен йышӗ ӳсесси те куçкӗрет.

– Короновирус инфекцине пула лару-тăру япăхас хăрушлăх сиксе тухсан койка-вырăнсене хушăпăр, – тенӗ пресс-конференцире ТР Сывлăх сыхлав министерствин штатра тăман эпидемиологӗ Дмитрий Лопушов.

Халӗ те Тутарстанра 11 вăхăтлăх инфекци госпиталӗнче 252 койка чирлисене йышăма хатӗр. Паянхи куна вӗсенчен кашни 10-мӗш койки пушă.. Роспотребнадзорăн Тутарстанри управленийӗн ертӳçӗ çумӗ Любовь Авдонина паянхи куна вируслă инфекцисен енӗпе лару-тăру лăпкă тесе шантарнă.

Çав вăхăтрах хӗрлӗхенпе чирлекенсен шучӗ 92 çынна çитнӗ, вӗсенчен 43 ача. Пациентсенчен нумайăшӗ Хусанта пурăнаççӗ.

Сăнӳкерчӗк «Татр-информ» ИА. Авторӗ Рамиль Гали.