Халăхсен культурипе чӗлхисен политики çинчен

РФ Президенчӗ Владимир Путин Тӳрӗ линире Раççей халӑхӗсен пӗрлӗхӗн çулталӑкӗнче çӗршыври халӑхсен культурисемпе чӗлхисен  политикине пурнӑçа кӗртесси çинчен каланă. Владимир Путин пулӑшу мерисем шкулсене, массăллă хыпар хатӗрӗсене, литературӑпа кинематографа  пырса тивессине палăртнă.

«Эпир Раççей халӑхӗсен культурине, чӗлхисене пулӑшас тӗллевлӗ политика ирттеретпӗр. Çакна шкулсенче те, массӑллӑ информаци хатӗрӗсенче те, литературӑра та тытса пыраççӗ», – тенӗ Президент.

Çак пулăшусене пула тӗрлӗ регионсенчи ачасем творчество пултарулăхне аталантарма музыкăпа, кино ӳкерессипе наци шкулӗсенче вӗреннине палӑртнă.

Патшалăх ертӳçи паянхи условисенче, çав шутра ятарлă çар операцийӗ пынине те шута илмелле, халăхсене тӗрев памалли çинчен каларӗ.

Căнӳкерчӗк kremlin.ru сайтран.