Харпăр хăйне ӗçпе тивӗçтерекенсенчен заявкăсем кӗтеççӗ
«Мой бизнес» центр «Малое и среднее предпринимательство» наци проекчӗ шайӗнче ирттерме палăртнă вунпӗр ярăмлă Çӗнӗ çул ярмăрккисене хутшăнма заявкăсем йышăнма пуçланă. Декабрӗн 22-мӗшӗнчен пуçласа 31-мӗшӗччен харпăр хăйне ӗçпе тивӗçтерекенсен продукцине Тутарстанри тăватă суту-илӳ центрӗнче туянма пулать.
2024 çулта ирттернӗ кун пек 14 ярмăрккăна пилӗкçӗре яхăн харпăр хăйне ӗçпе тивӗçтерекен хутшăннă та ӗнтӗ.
«Регионăн хăйевӗрлӗхне кăтартакан харпăр хăйне ӗçпе тивӗçтерекенсен продукцине çынсен хушшинче сарас тӗллевпе Тутарстан Республикин Правительстви тата ТР Экономика министерстви çулсерен Çӗнӗ çул умӗн «Я и есть Татарстан» ярмăрккăсем ирттерет. Çакăн пек форматпа иртекен мероприятисем харпăр хăйне ӗçпе тивӗçтерекенсене хăйсен çинчен каласа пама, хăйсемпе пӗр шухăшлисене тата вӗсен продукцине туянакансене тупма пулăшаççӗ. Вӗсем унта тӳлевсерех хутшăнаççӗ», – пӗлтернӗ ТР экономика министрӗн пӗрремӗш çумӗ Наталья Кондратова.
Декабрьте иртекен ярмăрккăсенче хула çыннисем Çӗнӗ çул парнисем туянма пултараççӗ.
Сăнӳкерчӗк «Татар-информ» ИА.
Следите за самым важным и интересным в Telegram-каналеТатмедиа
Нет комментариев