Хистесен – тӳле!

Законлăхпа право йӗрки енӗпе комитет ертӳçин çумӗ Александр Чубаров каланă тăрăх, обществăлла вырăнсенчи бизнеса тӗрӗслеме кирлӗ ку. Урăхла каласан, хăйсен услугисемпе таварӗсене çынсене йăлăхтариччен хистесе сӗнекенсемпе кӗрешме.

Чăн малтан хулан паллă вырăнӗсенче чӗрчун, ытти персонаж тумне тăхăнса сăн ӳкерӗнме хистекенсене пырса тивет ку. Вӗсем хăйсен услугисене хистесе сӗнеççӗ кăна мар, халăха хакӗ пирки те улталаççӗ. Хулан историлле вырăнӗсенче, Бауман тата ытти урамсенче, çапла хăтланни, паллах, Хусан имиджне пăсать. Хула çыннисемпе хăнасен кăмăлне çав тери пăсать. Ку закон вара çак çитменлӗхе пӗтерме пулăшасса шанаççӗ.

ТР Административлă правăна пăсни çинчен кодексне çӗнӗ 3.15.1 «Обществăлла вырăнсенче хăйсен таварӗсемпе услугисене хистени çинчен» статья хушăнать. Унпа килӗшӳллӗн, йӗркене пăсакан çак категорири усламçăсене пӗрремӗш хутӗнче асăрхаттараççӗ е 1,5 пин тенкӗ, енчен те çулталăк вӗçлениччен тата та çаклансан 3-5 пиншер тенкӗ штраф тӳлеттереççӗ.