Хаклă вулакансем! Эсир ыйтнипе пуçарнă «Хӗл илемӗ» конкурса сăнӳкерчӗксене февралӗн 29-мӗшӗччен çеç йышăнни пирки аса илтеретпӗр.
Кам хӗлӗн хитрелӗхне сăнарлакан сăнӳкерчӗксене редакцие ярса парса ӗлкӗреймен, васкăр — конкурс вӗçлениччен 3 кун çеç юлчӗ. Унта хутшăнас тесен хăвăр тунă сăнӳкерчӗксене Ватсапри «Сувар тусӗсем» ушкăна е уйрăм сообщенипе 89179076881 номерпе ярса памалла.
• Сӑнӳкерчӗк авторӗн ятне, хушаматне, ӑçта пурӑннине (район, ял е хула) палӑртмалла, сӑнӳкерчӗк çинчи илеме хӑш вырӑнта тунине çырмалла.
• Сăнӳкерчӗксене хаçатăн социаллă сетьсенчи ушкăнӗсенче, Телеграмри каналӗнче кăларатпăр.
• Конкурс çӗнтерӳçисене пирӗн подписчиксемпе, вулакансемпе пӗрле «Сувар» хаçатăн «ВКонтакте» социаллă сетьри страницинче тата Телеграмри «Чувашская газета Сувар» каналра сасăлав ирттерсе палăртатпăр.
• Чи нумай сасă пуçтарнă виçӗ çӗнтерӳçе палăртатпăр.
• Кашни çӗнтерӳçе редакци ятӗнчен асăнмалăх парне — «Сувар» логотипӗллӗ курка парнелетпӗр!
Сăнӳкерчӗке Ухтияр Илюхин (Азнакай) ярса панă.
Нет комментариев