Тутарстанăн тӗп хулинче эпидеми тапхăрӗ умӗн 704 539 çын грипран прививка тутарнă, вӗсенчен 204 480-ӗ ачасем. ТР сывлӑх сыхлав министрӗн çумӗ – Хусанти сывлӑх сыхлав управленийӗн пуçлӑхӗ Ильназ Ахмадиев пӗлтернӗ тӑрӑх, ноябрӗн юлашки эрнинче гриппа чирлекенсен шучӗ виçӗ хут ӳссе 363-е çитнӗ.
Ноябрӗн пуçламӑшӗнче 3-6 çулсенчи ачасем чирлени палăрнă.
Тутарстанра пӗтӗмӗшле илсен ОРВИпе тата гриппа чирлессин шайӗ эпидпорогран 15,7 процент сахалтарах, ӳсӗм темпӗ 37 процентпа танлашать. Экспресс-тестировани ОРВИ симптомӗсемпе чирлекенсен 95,7 проценчӗ иртнӗ, гриппа чирлекенсен шучӗ 5,3 процентпа танлашнӑ.
Нет комментариев