Хусанти «Хура кӳлӗ» паркри пӑр ҫине паллӑ фигуристсем тухаҫҫӗ
Ыран, январӗн 17-мӗшӗнче, Хусанти «Хура кӳлӗ» паркра Пӗтӗм Раҫҫейри WinterFest хӗллехи фестиваль иртет. Хула çыннисемпе хӑнисем паллӑ фигурстсене – Илья Авербуха, Алексей Ягудина, Татьяна Тотьмянинана, Максим Маринина, Албена Денкована, Максим Ставиские, Алексей Ускова курма май пулнине пӗлтерет Хусан мэрийӗн пресс-служби.
Куракансемпе чи малтан Илья Авербух тӗл пулать. Конькипе эрешлесе ярӑнассипе тӗнче чемпионӗ ачасемпе ҫитӗннисем валли 12:00 сехетре уҫӑ мастер-класс ирттерет. Заняти вӑхӑтӗнче регистраци иртнӗ хусан ҫыннисем разминка тӑваҫҫӗ, ҫавӑн пекех конькипе ярӑнма вӗренес тесе тӗрлӗ упражненисем тума вӗренеҫҫӗ.
Тепӗр пилӗк сехетрен тӗлне пӑр ҫине ытти паллӑ фигуристсем тухаҫҫӗ. Мероприятие Анастасия Игнатьева ертсе пыракан "Ледовая симфония" балет та хутшӑнать. Спектакле Хусанта пурӑнакан ҫамрӑк фигуристсем Дарина Абрамовапа Карим Имамиев уҫаҫҫӗ.
Пӗлтӗр Хусан ҫакӑн пек шайри мероприятие пӗрремӗш хут йышӑннӑ. WinterFest фестивале 5 пин ытла ҫын килсе курнӑ.
Сӑнӳкерчӗке kzn.ru сайтран илнӗ.
Следите за самым важным и интересным в Telegram-каналеТатмедиа
Нет комментариев