Çӗртме уйăхӗн 15-мӗшӗ – Никифор. Çерçисем пӗр-пӗринпе çапăçаççӗ, ашкăнаççӗ-тӗк – çанталăк аванланать. Хӗвел каçалапа пӗлӗтсен хыçне пытансан – çумăра.
Çӗртме уйăхӗн 16-мӗшӗ – Лукьян. Юхтарса çумăр çусан кăмпа нумай пулать. Ирпе тӗтре шыв çине карса илсен – аван çанталăка.
Çӗртме уйăхӗн 17-мӗшӗ – Митрофан. Çурçӗртен çил вӗрсен ăмăр çанталăк кӗт. Хӗвел тухнă чухнех пăчă пулни те çанталăк пăсăласса.
Çӗртме уйăхӗн 18-мӗшӗ – Дорофей. Çак кун çанталăк уяр пулсан тырпул ăнса çитӗнет, тырă шултра та паха пулать. Çил хӗвелтухăçӗнчен вӗреттӗк – çулла çиллӗ тата çумăрлă пулать.
Çӗртме уйăхӗн 19-мӗшӗ – Илларион. Уйăх катăлнă тапхăр пулсан çак кун çумкурăка йăлтах çумламалла та вăл вара урăх ӳсмест тет. Çил хӗвелтухăçӗнчен вӗрсен çулла çумăр нумай çăвать.
Çӗртме уйăхӗн 20-мӗшӗ – Федот. Аслати авăтсан ăмăр çанталăк вăраха тăсăлать. Уяр çанталăкрах кăвакарчăнсем пытанмалли вырăн шыраççӗ-тӗк – çумăра.
Çӗртме уйăхӗн 21-мӗшӗ – Федор. Вăйлă сывлăм ӳкнӗ – тулăх тырпул кӗтмелле. Куккук типнӗ йывăç çинче авăтсан – вăхăтлăха сивӗтессе.
Нет комментариев